Kad malo bolje razmislim možda naša premijerka čak ima praf. Reklamiranje turizma da se h reklami kaže guzica nije u redu. Dugoročno to vodi u propast. Se zmislite, pitam sad one stareše, reklame za Pipi? One kad Ana Sasso izroni, a mokra majca joj istakne njezine velike cice. Ta reklama bar nije bila seksistička. Jer su i ženske imele kaj za videti. Izronil je i Veljko Rogošić. I to bez majce. Znači da su ženske čak više mogle videti od muških. I kaj se na kraju dogodilo? Nema Pipija

Probajte dojti h gostionu i naručiti Pipi. Nema Pipija. Kaj bi se reklo takve reklame ne garantiraju uspjeh za krajnji proizvod. Jesu se Anine cice dobro stresle kad je zronila van, a ja se jedno ne pijem Pipi. Niti nem išel ljetos na more. Niti ona rit kaj je bila h reklami me ne dovljekla na more.

Morti prejdem h Tursku. Šalim se. Nejdem h Tursku. Ali sam videl više jumbo plakata teri me zoveju da dojdem h Tursku na more, nego kaj me zoveju na Jadran. I bolje da me ne zoveju na Jadran. Jer dole tak i onak nič ne nudiju. Kaj mi nudiju? Sunce. Imam ga i doma, a i pri kljeti. Dalje mi nudiju plažu. Kaj bum s plažom? Tam je vruče, gužva je i ono kamenje je fest trdo.

Pri kljeti ima ljepog hlada, nije gužva, a če se baš hoču posunčati denem si dekicu i trava je puno mekša od onog trdog kamenja. Kaj napraviti kad te na plaži hlovi žeja? Prejti h najbližu gostionu, ili biti spreman na to i imeti nekaj za piti pri sebi.

Gostione su u pravilu skuplješe nego kaj su tu pri nama, a če zemeš sa sobom piti onda se to mam stopi i tak nekaj toplo ti nije volja piti. Za razliku od toga pri kljeti furt ima vina na radnoj temperaturi. Veliju još da je na moru čisti zrak. A na brijegu morti nije? Isto tak veliju da je morska voda zdrava. Kaj ova h toplicama morti nije? Kaj bi ljudi bezveze delali lječilišta h toplicama? Još su stari Rimljani znali da je voda h toplicama ljekovita, pa su ju koristili.

Premijerka je predstavila i plan kak se bumo zvljekli iz krize i kak nam bu bolje. Nije da ja pišem nekaj posebno, ali taj plan nije vrijedan da trošim svoje rječi na njega. I nebum.

Rajši bum pisal o svojoj Gracii. To jest našoj Gracii. Ipak i žena ima nekakvih zasluga kaj ju imamo. Tak ljepo veli tata, da je to milina za čuti. Dobro, veli i mama, ali ne tak ljepo ko tata. Več sve razme i svašta pripoveda. Doduše još uvjek ne razmemo sve. Neki dan idem pogledati e je morti pokakana. I pričam tak Gracii da idemo videti e beba ima kakača. A ona mi veli „nije kaka“. Velim vam ja, sve kuži. Zna i sama slječi hlače. Naročito slači pidžame. Ali zna ih i sama natrag oblječi. Porine jednu nogu h jenu hlačnicu, a drugu kam porine porine. Ponekad porine h drugu hlačnicu, nekad h istu, a nekad nemre porinuti jer si zna sesti na drugu hlačnicu. Pa se čudi zakaj nejde. Nije nič grdoga kaj se malo dete čudi nečemu takvomu. Grdo je kad vekši probaju nekaj na silu napraviti, kaj jednostavno nejde, pa se onda čudiju.

Kak se na primjer ovi na vlasti čudiju kak sme opče došli tu gde jesmo. Jednostavno. Kak nešči kormani h autu, avijonu ili na brodu, tak nešči kormani i z državu. I gdo je kriv kad se brod nasuče? Onaj teri riba palubu ili onaj teri kormani?

Podijeli s prijateljima