Još se jemput pokazalo da dobar dio navijača to zapraf nisu. Na vrhunskoj nogometnoj predstavi, koja nije bila ni sjena utakmici Omladinac - Vatrogasac na kojoj sam bil h nedelju, pak se našlo par huligana teri su počeli hitati baklje i trgati stolce. I pogledaj čuda murija je intervenirala. I išla delati svoj posel. I malo su opendrečili one teri su hitali baklje i stolce. Morti je tu i tam s pendrekom dobil i nešči ni kriv ni dužan. I sad se več naveliko pripoveda samo o tome da je murija prekoračila ovlasti.

Za par dana bu ispalo da je murija vužigala baklje i trgala stolce. I iz čiste dosade s penderkima mlatila one teri im se nisu dopali. Znači najbolje bi bilo da je murija samo promatrala kaj se događa i one teri su hitali kaj su stigli poslije utakmice otpeljali na pijaču. A da murija nije uletela i intervenirala onda bi se postavljala pitanja da čemu opče služiju kad samo glediju kaj se događa i da za kaj ih se plača? Kak god da je bilo furt bu murija kriva. Ne bu valjda kriva naša zlatna mladež koja u miru navija za svoj klub? I popevaju pjesme kak je na primjer „Dinamo ja volim“ koja poziva na mirno navijanje, naročito riječima „… srušit će se stadion, nek je nered, nek je lom… , …i kolcem i lancem i bokserom u glavu…“

I furt ničim izazvana policija mlati tu jadnu, nedužnu mladež i mirne navijače. Ko na primjer lani u Austriji na pripremnoj utakmici protiv Steaue. Ili predlani u Pragu. Ili da prejdemo u malo dalju povijest. Kad je UEFA ničim izazvana nakon Dinamove utakmice u Auxereu izbacila Dinamo na godinu dana iz svih europskih natjecanja. Tak bi mogel nabrajati još dugo. Ali koja korist od toga?

Od utorka sam na godišnjem. To nam još nisu ukinuli. Ostalo mi je još par dana od lani pa me šef steral da to iskoristim. I več su mi ga jako dobro splanirali. Bar ja nem moral razmišljati kaj bum delal na godišnjem. Žena bi da pomalam kuhinju, dnevnu sobu i hodnik, a po mogučnosti još i kupaonu i ve-ce. I podrum treba pospraviti i raščistiti. Trebalo bu i trsje pošpricati i poflaksati, a poflaksati treba i oko kljeti. Uz se to još i Patricija ide na firmu. Pa buju i za to pripreme bile bar tjedan dana.

Vrt nam odlično napreduje. Kak žena i ja to prije nismo delali sami, mogu vam reči da nam super ide. Lučice buju taki za jesti. Sva sreča da je počelo malo dežđa cureti pa ne moram vrt zaljevati. I mam je se bolje potiralo. A najbolje je potiralo ono kaj neču da h vrtu raste. Trava i drač. I ne razmem kak h vrtu tak ljepo ta trava tira, a doma gde ju sijem, podsijavam, zaljevam, kosim,… neče tak ljepo rasti.