Nakon krava i tića došle su na red i svinje. Prvo smo si bili strahu kravljem ludilu. Tam negde su krave ponorele i onda nišči nije jel govedinu. Prešle je par meseci i si smo pozabili na to. Nakon toga su tiči dobili gripu. Pa smo imeli ptičju gripu. I si sme joj bili strahu. I na kraju smo i na nju pozabili. Sad je došla svinjska gripa. I njoj sme si strahu. Kak je došla tak bu i ona prešla. Kaj je prešlo i se do sad. Kak su prešle i kuga i kolera i španjolske i kaj ti ga ja znam kakve se ne gripe.

I sad nam doktori veliju da treba prati ruke, da treba držati higijenu. Ko da inače ne treba prati ruke i ko da se opčenito ne treba prati. Bar je meni to normalno i mojoj ženi je to normalno, a tak smo i decu nafčili da je i njima to normalno. Koja živina bu drugo ljeto na redu? Ja glasam za ribe jer ž njimi baš i nisam h kontaktu, a to se bi i mojoj mami morti dopalo jer tata onda ne bi išel h ribičiju neg bi več bil doma.

Neki veliju da je v Hrvatskoj kriza i recesija, da se nema penez i da je teško. A gda se otpre neki novi šoping centar si moraju tam iti i trošiti one peneze tere nemaju. Da je jako velika kriza vidi se i po skorašnjim izborima. Kandidati za precednika nas glediju s jumbo plakata, hodiju od sela do grada i obrnuto i furt su na televiziji. I si i h novina i na radiju i na televiziji pripovedaju da su baš oni pravi za se nas i da trebamo glasati baš za njih i da buju oni napravili se kaj god si mi moremo zamisliti. Pak sam se onda i ja zamislil. Kaj mi zapraf biramo precednika ili kralja. Tak i onak se kod nas vlast prenosi s jednoga na drugoga. Bivšem premijeru se to več nije dalo biti pa je sam imenoval svojeg nasljednika, to jest nasljednicu. Pa si mislim ja i dalje. Dosta ovih kaj bi šteli biti precednik su imeli ili još uvijek imaju vlast. Zakaj onda se to kaj sad obečavaju da buju napravili več do zdaj nisu? Ja mislim da je to zato jer oni ne misliju nič napraviti kak nisu niti do sad. Zakaj onda jednostavno ne veliju da hočeju biti precednik kak bi malo uživali i osigurali se za cjeli život. Jer denes čim te zabereju za precednika si doživotno zbrinut. Jasno mi je da nemremo starog precednika samo hititi van na cestu i reči mu fala, doviđenja. Ali da mu treba se to kaj bu dobil,… U redu je da dobi nekakef stan ili hižu, pristojnu penziju i gotovo. Kaj če njemu sad tajnica i još brijeg toga. Naj ljepo uživa u penziji i piše memoare.

Neki dan sam se pak rasrdil na željeznice. Na cugima je se manje i manje vagona. Kad sam počel delati h Zagrebu i putovati s cugom na sakome je bilo pet - šest vagona. I onda se je dalo najti mesta za sesti si. Onda je taj broj vagona opal na 4. E tu su več nastali problemi. Našel si si mesta za sesti če si došel med prvima. Sad su na cugu po tri vagona. Pa si mislite kak je nam teri se s cugom peljamo. I pošljem ja i mejl h željeznice i pitam da kaj to je, zakaj to je i do kad to bu. I isti dan sam dobil odgovor. Gde piše kak imaju manjak vagona i da je to zato tak. Sad me zanima kaj bi meni ona teta tam na blagajni na stanici rekla kad bi ja njoj rekel da imam manjak penez i da bi štel kupiti kartu za celi mesec a platiti samo za 20 dana.