Kolko sam ja u ovih svojih 40 i nekaj ljet uspel videti sve žene jednostavno moraju pospremati. Razmem da ak ostavim gače ili čarape pokraj kade žena iste hiti h košaru za zmazani veš. Ali zakaj mi hiti hlače ili majicu h več spomenutu košaru če nije to nije zamazano?

Če sam hlače imel dva dana na sebi nisu zmazane. Ali žene jednostavno to moraju. To im je valjda urođeno. Čak i ak nema pri hiži nič za pospraviti one buju nekaj našle. Mojoj mami izgleda nije dosta to kaj ima doma za čistiti pa smo prošli tjedan prešli na more počistiti hižu. Usput je tata išel i neki posel obaviti.

Kak sam ja na godišnjem (ostalo mi je par dana lanjskog) spakirali smo se i prešli na more. Iako baš i nije bilo neko vrijeme za vožnju moram se pohvaliti da sam u rekordnom vremenu došel do trajekta. Splaniral sam put, ali sam ipak na trajekt došel prerano. Srećom pa tam nije curelo, nego je lijepo svjetilo sunce, pa smo si na terasi spili kavu dok smo čekali plovilo koje će nas prevesti do našeg največeg otoka. Par kamiona i par auti jednostavno su se zgubili na palubi trajekta. Ili je nas bilo tak malo ili je trajekt tak veliki.

Tek hvečer sam skužil da naša hiža na moru nije baš za boravak van ljetne sezone. Tek sam se uz dvije deke i poplun uspel malo utopliti. Za razliku od noči prek dana sam hodil samo h košulji. I mogel sam hoditi kak sam štel i kud sam štel. Lokalno stanovništvo je bilo okupljeno u one dvije, tri birtije kaj delaju. Kam god sam došel svi su me bljedo gledeli. Gdo sam sad ja i kaj zapraf hoču? Zakaj ja remetim njihovu svakodnevnu rutinu? Uglavnom ak hočete mir i tišinu prejdite na more van sezone.

Znate i sami da ne bi pisal o ovome da mi se nekaj nije dogodilo. Nakon kraćeg boravka na moru, natrpali smo auto sa stvarima za koje smo procijenili da nam tam smetaju i sa svojim stvarima i krenuli doma. Kak prometa skoro da i nije bilo nikakvog opet sam relativno brzo prevaljival kilometre prema doma. Sve do zaobilaznice naše metropole. Tam je furt gužva. I prije skretanja za Zaprešić i staru Zagorsku magistralu nekakvi su se pomalo peljali i ja ljevi žmigavac i na preticajnu traku. Nisam se uopče brzo vozil. Časna riječ, 120 sam se vozil. I najemput nekaj na cesti. Sa 120 nemrem stati, nemrem desno jer mi je tam auto, ljevo je ograda.

Nekak sam to zbegel na način da sam prešel prek toga, ali isti čas mi je nekaj fest jako zaropalo ispod auta. I osjetim da mi nekaj ne štima a autu. Stanem na zaustavnoj traki i vidim da mi je guma prazna. Zemem bateriju, posvjetim i vidim da je zrezana na dva mjesta. Bez obzira kaj je bil mrak, meni je svejedno opal mrak na oči. Jer da bi došel do rezervne gume treba sprazniti cjeli prtljažnik. A bil je vrhom pun. Da ne praznim cjeli prtljažnik nazval sam šogora (ovaj put je bitan za priču), jer on vozi auto istog njemačkog proizvođača pa mi paše i njegov rezervni kotač. Dopeljal mi je kotač, zmenil dok sam ja njegov auto prešel do prvog izlaza okrenuti i dojti natrag i nekak sam se do doma dopeljal.

Drugi dan sam popodne trebal prejti do Sandrine buduće firmene kume i kad sam došel h garažu imel sam kaj za videti. I guma kaj mi je šogor dopeljal je prazna. Srećom sad sam imel prazni prtljažnik pa sam del svoju rezervnu. E je ta dobra bum tek videl. Za sad drži. Valjda bu zdržala dok ne kupim nove gume.