Verujem da ste si čuli za Murphyjeve zakone i da ih nema potrebe posebno objašnjavati. Isto tak znate da kad vam dojde gospon Murphy nije dobro. Tak smo bili prošli tjedan obečali Sandri da pemo na kupanje h nedelju. Normalno da h nedelju nismo išli na kupanje. Prvo sam s ženom h noči sa subote na nedelju završil na hitnoj. Zapraf ne na hitnoj, jer na hitnoj nije bilo nikoga, nego sam ju otpeljal na Bračak. Noga ju je boljela, pa su joj tam h bolnici nogu poslikali i zamotali. To je bil jen od razloga zakaj nismo išli na kupanje. Drugi je bil jednostavno loše vrijeme. I tak se Sandra susrela s gosponom Murphyjem h nedelju. To joj ga je valjda poslala Patricija koja se ž njim srela dan prije. Išle su ona i Rea (moje kumče) h Bedekovčinu s cugom. Kak su na knap došle na stanicu nisu stigle kupiti karte. To im još i verujem, jer sam h subotu delal popoldan i oko podneva sam krenul na stanicu, a njih dvije su se još rihtale. A i cug za Zagreb, s terim sam ja išel i cug za Varaždin (ili kam več ide) ideju h skoro isto vrijeme. Pa ih je h cugu kondukter hlovil i sakoj naplatil po 24 kune. A napisal im je karte na 9 kuna. Gde li je samo završila ta razlika od 15 kuna? No, to nije bilo sve. Njih dvije su išle na rođendan. A kak sam h podrumu imel još nekaj črnjaka natočenog h plastične flaše tak su njih dvije zele dva litra sa sobom. Ali nisu znale da sam ja dok sam malo reda po podrumu delal na istu policu kraj vina del i kolu. Pa su one zele kolu a ne črnjaka.

A h pondeljek meni nije išlo se po planu. Mislil sam si nekaj napraviti kad dojdem s posla, ali mi nije zišlo. Jer nisam došel na vrijeme doma. Zakaj? Zato jer je cug kesnil. Ovaj put nisu bile krive željeznice. Na prelazu prek pruge h Zaprešiću je cug trknul auto. Hitna je fest brzo došla, ali policija baš i ne. I dok je policija napravila očevid, dok su to poslikali, nacrtali, zmerili i kaj su se več delali prešla je dobra vura vremena. Taman sam došel doma h vrijeme kad sam več trebal iti k punici po Graciu.

Kad sam več spomenul Graciu moram vam reči da je prilično obogatila rječnik. I brojno stanje zubi se povečalo. Tak da sad kad hgrizne to se več praf pozna. Se več i več vremena je bez pelene. Jen dio zato kaj joj ju ne denemo, nego ju ostavimo samo h gačama, a po noči zato jer ju sama slječe. Da ju bar onda slječe tak da ju morem natrag deti. Ne. Ona jednostavno pelenu htrgne tam gde se ljepi. Zato počekam da zaspi pa joj onda pelenu denem. Najnovija fora joj je cipele nositi za nama. Več kuži koje su čije, pa ak slučajno ne pospravimo cipele h ormar Gracia ih nosi za nama. To dela čak i ak si legnem na kauč ili garnituru i zujem se. Mam je tu, zdiže kaj god da sam izul i krenene me obuvat.

Se zmislite veš mašine od prije par tjedni. Uvjeril sam se da samo mene mrzi. Zvadil sam neki dan veš z mašine kaj je žena dela prat. I nutra je bilo ono kaj se na poplun navlači. I h tome nič drugo. Kad sam ja hčera del jedno to prat h tome je završilo pol sadržaja veš mašine. I onda bu mi nešči rekel da me ne mrzi. Jedino ak ne.