Znam da bute mislili da nekog vrapca glumim, ali zbilja je tak. Evo i nekih primjera. Kak je bilo par vručih dana nagovoriju me da bazen napunim z vodom da se deca moreju kupati. I operem ja bazen i napunim ga z vodu, i istu večer je kiša počela cureti i postalo je hladneše. Do denes kad pišem of tekst deca se još nisu skupale h bazenu, a bazen je još pokrit kak sam ga pokril on dan kad sam ga napunil.

Kak se bližiju Graciine krstitke tak je žena rekla da bi si mogli i nekaj za oblječi kupiti. No dobro, pristanem ja i prejdemo prvo h autlet. Tam prejdemo h dučan poznate svjetske robne marke, a h cjelom dučanu nema nič moje veličine. Pa za koga oni delaju obleku? Kaj ti makaronci misliju da su svi neuhranjeni i rahitični? Prejdem van i odlučim se za dučan poznate hrvatske fabrike kaj odječu dela. Zajdemo nutra i najde mi prodavačica ljepe črne hlače. Pogledam ja za saki slučaj veličinu i kad sam videl na njima mejd in čajna, same sam ih spustil natrag na pult i demonstrativno prešel van. Hrvatska kvaliteta made in China. Kaj su mislili da bum zato kaj je kineski precednik bil h posjeti pri nam mam kupil nekaj kinesko? E nebum! Još sam se zbog tog Kineza moral okolo naokolo peljati po Zagrebu da bi došel do jenog šoping centra u centru grada.

E je nešči gledel seriju na televiziji Murphy Brown? Oni teri nisu naj preskočiju ovaj odlomak. Oni teri jesu buju se zmislili simpatičnog čovjeka punije građe u bijelom kombinezonu teri je furt po njezinoj hiži nanašal lojtre, kante, penzline, valjke i nikak nije zgotovil posel. Jednog takvog (istini za volju nije baš uhranjen) h bijelom kombinezonu vidim i ja saki dan doma. Samo prenaša kante, gletere, valjke, šmirgl papir, špahtline okolo naokolo, pa malo potegne s gleterom tuj, s šmirgl papirom tam i nikak da zeme valjak h ruke i potegne jenu prostoriju h kompletu.

Kak sam još furt na godišnjem uspel sam hloviti i malo slobodnog vremena da se prošečemo s detetom. I vidim da po Zaboku i dalje postavljaju putokaze s nazivima ulica. To je super, tak da oni teri nisu otud znaju de je tera ulica ili vrtić ili bilo kaj drugo. Samo kaj onaj putokaz za vrtič teško da bu videl nešči gdo nezna da je putokaz baš tam. Deli su ga jeno 10 metri od ceste. Tak da se s ceste niti ne vidi. Dobro da ga nisu deli gore pri čokoladnom neboderu. More grad postavljati te table kakve hoče kad tak i onak ničemu ne koristiju. Ima tabla na ulazu h Prpičev park gde piše da park nije za pese neg za decu. Ali pesa ima furt h parku. Kad ne znaš gdo je bolj bedast, e pes teri ne zna čitati kaj piše na tabli, e oni teri peljaju te pese ili oni teri su dali postaviti tu tablu a ne znaju da pesi ne čitaju. Lako je još s onim pesima teri su na lancu. Problem su oni teri nisu na lancu. A naši gradski oci i majke u več par mandata ne razmišljaju o tom. Ili ih je baš briga. Meni se vidi da je ovo drugo.