Da mi je samo znati gdo je zmislil onog Njutna i jabuke. Da nije toga več bi Gracia sama hodila. Ovak ju sila teže vlječe na pod. More ona več stati sama bez da se za bilo kaj drži po par sekundi i onda sila teže napravi svoje i povlječe rit naklu. Dobro je kaj se Gracia več nafčila padati i spuštati iz stoječeg u puzeči položaj. Zna več gde se more hititi, a gde se mora pomalo spustiti. Na krevetu se samo hiti. Ili ak su na podu jastuki ili ja. Na jastukima je mehko isto ko i na mojem trbuhu. I na to se hiče. Na se drugo se spušta pomalo.

Kak je ovo blesavo vrijeme tak joj je počel nos cureti. To kaj curi ili zbrišemo z gazom če stignemo ili nešči to poliže z jezikom. Čak se i buni kad dojdem z gazom da bum joj nos obrisal.

Za Patriciju i Sandru skoro da i ne znam da postoje. Zapraf za Patriciju skoro da i ne znam da postoji, a Sandra za ono malo kaj znam postoji napravi da je se zmislim još par dana. I to malo kaj ju vidim i čujem (više čujem nego vidim) ne zapre usta. More pripovedati ko političari h predizborno vrijeme. Pripoveda i pripoveda i nič ne veli. Bitno je da pripoveda. Za razliku od Sandre Patricija malo priča. Uglavnom čujem „Mogu na Internet?“ ili „Stari daj nekaj penez!“. Sako malo iz njihove sobe čujem i kričanje. Znači da su se posvadile, a morti i potukle. A kad je h njihovoj sobi mir ili spiju ili delaju nekakvu piz…… Tak su si bile fest dobre h nedelju. Bilo je prerano za spati, znači nekaj su delale. I onda sam skoro opal na rit. Sandra je Patriciji delala pletenice na lasima. Tak si dobre nisu bile još od mora. Na kraju su se ipak posvadile oko tih pletenica. Na kraj pletenica moraš deti gumicu kaj to drži. Gumice su bile Sandrine. Pa su se malo kasnije posvadile i Sandra je štela gumice natrag. A Patricija joj nije dala. Neg ih je skrila. I to tam gde meni nebi palo na pamet tražiti ih. Porinula ih je h poplun!

Več su mi počeli zamjerati kaj pišem samo o lošim stvarima kaj se događaju tu oko nas. Zato bum sad pohvalil našu gradsku upravu. Napokon se oko Svih svetih ne moram po trgu probijati čez hrpu roži i lampuša tere su znali poslagati tak da se nije niti prejti dalo. Ljetes toga nije bilo i dajem veliki plus našim gradskim ocima i majkama.

Vane snjeg pada. Znači da bi pak mogel imeti rekreaciju. Z lopatom. Če se bu prijel ne gine me čiščenje snjega. Jer oni teri su plačeni da to delaju to ne delaju. Bar do sad nisu. I sako ljeto gradonačelnik obečava da se bu to riješilo i ne rješava se. To je jen minus gradskim ocima i majkama.
A da ne bi bili h plusu ili na nuli evo im još jen minus. Po Zaboku se slobodno šečeju kojekakvi cucki. A nebi se smeli. Čak je Grad i donesel propis o tome. A postoji i zakon. Uglavnom nešči bi trebal te cucke hmeknuti s ceste. A cucki se i dalje slobodno krečeju kak i kud hočeju. I kad se zbrojim opet je več lošega napravila naša lokalna vlast nego dobroga. Odnosno mi ljudi kakvi jesmo vidimo kaj ko hoče, a največ vidimo ono loše. Kad je dobroga malo.