Od vajkada je bila stara navada, gda je čovek krenul na kaef posle, da h pomoč pozove draguga Boga. Sake jutre gda su se ljudi zbudilji i išlji z hiže van niesu krenulji, a da se na pragu niesu prekrižilji i reklji: „Bog mi pomozi!“

Pri tomu su misljilji da njim si poslji teruga su tie dan trebalji napraviti prejde po sreče. Orataj, gda je došel z svoji konji ilji volji na njivu orat, pljunul je h šake prie nek je priel za plug, prekrižil se i rekel: „A zdej pomozi nam Bože!“

Z takvem zazivnjem Boga h pomoč započinjale su i babe gda su krenule nakasat na njivu, žet, pretepat ilji delat bilje kakef posel. Z temi su rečami ljudi živelji, od onuga najmenjšuga, do najstariejšuga i rabilji jih saki dan, i več put če je triebalje. I gda bi se nekterom fejst kihnulje, znalje se reči : „Krieži božji, Bok pomozi!“

„Tako mi Bog pomogao!“, bile su rieči z terami su poklje zakletve našega predsednika, na dan zakletve i poklje prisiganja, započele sake viesti. Nie bilje niti jednuga radija, ni jedne teljevizije terem te rieči niesu bile prve, gda su ljudem prenašalji kak je te bilje na fešte gde se je predsednik zakljinjal pred ljudmi. Ne bi tuj bilje nič čudnuga da se dobre nezna da naš denešnji predsednik nie vernik, nek, rekel je agnostik. Hnogi niesu razmelji kaj te je za čoveka. Razmelji su same da je on čovek teri ne hodi k meše, ne veruje da Bog postoji onak kak si oni zamišljaju i mam su se obrnulji protif njega. Još dok su trajale halabike oko biranja novuga predsednika posprdavalji su se ž njim onie teri su se nafčilji križati prie par ljiet i zdej se dielaju važni, malje menj od „pape“. Još mi navike po pameti špancieraju sljike z ne baš tak daljejkuga cajta gda se je delalje na sve crkvene svetke. Moji pajdaši na poslu i ja poskrivečki sme si stisnulji ruke i čestitalji svetke, šunjalji se po oklna cirkva kaj nas teri „pes“ na njuhal. Nu gda su počelji prihajatui drugi cajti, si su najemput počelji poviedati kak su se h cierkva ženilji, krstilji decu i postalji veči vierniki od si one teri su se pred njimi moralji poskriveki križati.

Iste tak hnogi teri su se furt križalji, držalji za srca i govorilji :“Pomozio mi Bože“, mirne duše delalji su posle tere bi se trebalji sramiti ne same oni sami, nek i si njihovi još par pokoljenja. Morti su misljilji da moreju delati se, same radi toga kaj su pozvalji Božju pomoč. Kak drugač misljiti o sie one teri su se do prie per cajte rievalji okolji oltare, a iste vrieme cosralji po žepe onieh teri su njim veruvalji i za nje delaji. Kak su se moglji, i moreju, hjutre lukati špigelj i ne videti krila, nek roge z teremi bodeju se oko sebe. I baš, največ tekvi, moreju sumnjati h poštenje ljudi, same zate kaj su za zericu drukčeši i drugač misljiju. Saki takef po njim nie dobre i nemre biti.

Zesmejavalji su se hnogi hu ovem cajtu i spitavalji e bu novi predsednik, agnostik, mogel reči: „Tako mi Bog pomogao!“

Rekel je da bu mogel reči. I rekel je. I nie pri tomu hekavel. Poklje su reklji da je negde malje krive poviedal pri prisiganju, alji zadnje rieči rekel je glatke, jasne i glasne. Hnogi mu sigurne niesu veruvalji, alji te njim naj bu na duše. A unda su počele čestitke i kušuvanje. Kuljike je same stiskanje ruk i kušljece bilje „Judine“. Za nadati se da jih bu on, kak pametni čovek znal prepoznati i hititi na stran. One kaj morti veselji sakuga teiri mu veruje je njegava radost i topljina kak familjijarnuga muža.

Si oni Judini kušljieci nemreju mu naškoditi gda oko njega zrače kušljeci njegve životne pratilje i deteca. Tuljike topljine, ljubavi i ljepote h njihovem same jednem pravem kušljecu moreju ga čuvati od sie zloče tere buju vesele nad njegvu glavu. Kak rada verujem h poštenje ljudi, nemam razloga da te ne napravim i ovie put. A kak viernica unda mu morem same reči: Pomozi Ti Bože!“