Nemam je. Mislim inspiracije. I ne znam kaj da pišem. Znam da nekaj moram natipkati i sad pritiščem tipke na tipkovnici i pokušavam se nečega zmisliti. I nič mi ne pada na pamet. Dobro, padaju mi na pamet razne stvari koje neču napisati. Jer ne morate baš sve znati. Na svu sreču furt imam asa h rukavu. Makar sad imam kratke rukave. Kad več pomislim da me naša deca nemreju iznenaditi vidim da moreju. Ta me h nedelju Gracia iznenadila.

Delal sam kotlovinu i Graciu sam dal Sandri da ju čuva. Kak se Sandri nije dalo čuvati Graciju otpeljala ju je na kat k mojima. Bilo je fest vruče i stari je krenul da bu Gracii napunil bazen naj se malo rashladi i poigra nutra. Napuni on bazen i samo kaj se obrnul Gracia je več bila nutra. Ali oblječena. Sandra ima jako loš utjecaj na Graciu. Tolko ju je davila z mužikom kaj ona posluša da je i mala več počela z rukom kazati prema kompjuteru i povedati „ga ga“. I zbilja dete hoče poslušati ga ga. Onu lejdi ga ga. Moraš joj na kak bi to bivši ministar rekel na jubitou pustiti spot od te lejdi gaga i tek onda je mir.

Spomenul sam da sam delal kotlovinu, pa sam se zmislil kak je recept iz prošlog broja naišel na veliko zanimanje vas čitatelja, pa sam čak dobil i informaciju da su neki taj recept sprobali i da im je bilo dobro. Zato bum vam sad napisal još jen recept. Ali ne za kotlovinu jer je to recept teri se nemre napisati i teri se ljubomorno čuva. S obzirom da još furt ima tikvica (kaj to je sam vam objasnil h prošlom broju) evo još jen recept za tikvice. Tikvice naribate isto ko i kad ribate buču za bučnicu. Posolite, počakate da malo otpustiju i dobro ih ožmeknete. Na večoj tavici podinstate luka i kad je luk skoro podinstan denete k njemu dobro zažmeknute tikvice. Če ih ne zažmeknete dobro nebu se nič dogodilo, samo kaj bu se to skup onda duže trajalo. Dinstate na laganoj vatri sve dok se ne podinsta. Začine denete po želji i kak kaj kome paše. Kad se tikvice podinstaju prek njih hitite pak trajbanih jajca i zapečete do kraja. To se more jesti ko prilog uz nekakvo meso, a oni teri su na djeti ili su vegetarijanci moreju to i samo jesti. Oni fest lačni moreju zeti repete, a oni teri nisu lačni ne moraju to jesti uopče.

Več sam davno pisal kak je teško ženi kupiti poklon. Pa smo se žena i ja spominali kaj bi ona štela za rođendan. Između redova sam uspel pročitati da hoče vuru za na ruku tera zgledi kaj narukvica, ali ima i cajgere ili brojke. I normalno, kupim ja točno takvu vuru svojoj ženici. Prvo je bila oduševljena, ali je za par dana rekla da kaj sam išel trošiti peneze bezveze, da nije ona mislila ozbiljno kad je to rekla. I kaj onda? Kupiš poklon, točno kakvog hoče i nije u redu. Ne bi bilo u redu da nisam nič kupil.

Evo uspel sam i bez inspiracije natipkati tekst. Sve me strah pomisliti kaj bi tek bilo da sam imel inspiracije.