Oni stareši se buju zmislili ovog pitanja iz jedne televizijske serije koja je snimljena dok sam ja još bil mali. Za one mlajše čitatelje da pojasnim malo neke stvari. H onoj bivšoj državi saku nedelju h jutro bila je na televiziji emisija „Dozvolite da se obratimo“. Bar mi se čini da se tak zvala. I na kraju sake emisije je bil prikazan jen partizanski film ili neka serija.

S vremenom su si ti filmi i serije bili prikazani pa se i onda več počelo reprizirati. Bila je jedna serija Salaš u malom ritu. Tko je zapalio žito pital je Šicer sikud po selu u toj seriji i nije dobil odgovor. A niti žito. Jer ga je xxxxx vužgal. Ja znam gdo je vužgal žito, ali neču napisati da slučajno Šicer to ne pročita.

Nekaj slično se događa i tuj pri nami. Zginulo je žito. Nekakvih 20 i nekaj hiljada tona. A nišči ga nije vužgal. I sad ljudi veliju da ga je nešči hkral. Evo kakef smo mi narod. Čim nekaj fali mam mislimo da je to nešči hkral. A nišči nije pomislil da su morti miši žito pojeli. Ili morti opaki vanzemaljci? Ili je jednostavno isparilo.

Počela je i Korizma. I skoro si su se nečega odrekli. Osim mene. Ja se nisam sad posebno ničega odrekel. Jer se več nemam čega. Čega sam se mogel odreči več se jesam. Ne pijem. Ne kockam. Ne kurvam se. No, dobro. Pušim. Mogel se bi toga odreči. I prišparal bi, samo da zračunam: 30 dana u mesecu x (puta) 15 kuna (e vidite kaj jeftine cigarete pušim) = (jednako) 450 kuna. A zakaj ja opče pušim? Cigarete smrdiju, a i ja skup ž njimi. A i štetne su. Baš bi mogel prestati pušiti. A da, ni nokte več ne grizem. Niti nos ne kopam. Če prestanem pušiti napravil bum par dobrih djela. Prvo nem sebe troval. Drugo nem troval niti ljude oko sebe. Trejto prišparal bum nekaj penez koje bum del tam gde je potrebno. To mi je taman dosta za pelene za cjeli mesec.

Kak bi deca bila čim bolja u školi počel sam ih češče ispitivati i provjeravati zadače. Tak pitam Patriciju kaj se vučila. Veli ona da se vučila povijest. Pa iden ja nju malo ispitati. Vučiju razdoblje prije 2. svjetskog rata i 2. svjetski rat. Ispitivam ja nju tak kak je Hitler i koga napal. Nekaj zna nekaj ne zna. Kad smo uspeli utvrditi to na svjetskoj i europskoj razini krenuli smo na naše krajeve. Pa ju pitam gdo je bil prvi precednik zavnoha, a ona nezna. Pitam ju gde je i kad bilo drugo zasjedanje avnoja, ona ni to ne zna. Kaj bi tek bilo da sam ju pital za sedam sekretara skoja? Doduše niti ja ne znam svih sedam. A gledel sam njihove slike 4 ljete dok sam h srednju školu išel. Nije da niti jednog ne znam, ali ne znam se. Onda sam malo po malo detetu objasnil zakaj je bil bitan zavnoh i zakaj je bilo bitno drugo zasjedanje avnoja.

Za Sandru niti ne znam kak sve stigne. Osim kaj hodi h školu ide i na dva zbora, onaj h školi i još popeva h mališanima. Ide h glazbenu školu. Hodi i na forum h društvo naša deca. I skoro saki dan kad dojde doma iz škole veli da je dobila denes 5 iz ovoga, sutra 5 iz onoga, a tu i tam onak pokisla veli da je dobila 3 ili 4 iz ovoga ili onoga.

Gracia još nejde h školu. Zato se nas doma školuje. Kolko god bila mala i kolko god mi mislili da djete još ne kuži neke stvari nismo u pravu. Se razme jako dobro, ali nas ne doživljava. Sad je i proširila radijus kretanja po hiži. Barikade koje smo joj metali da nejde po cjeloj hiži više za nju ne predstavljaju problem. Pa ih več ne mečemo. I sad hodi po cjeloj hiži. Osim tam gde zapremo vrata. Do kvake još nemre. Za sad.