Piše: mr.sc. Rajko Fureš dr. med

Da nie ljehke nigdar bile, te nie ti furt na pameti, da nie ljehke se niti hmeknuti te se iste tak razmeti more, kak god da negdaar te ljetke ti i nie. Jedne je same kaj tihči te, kak god da kak stena si, kak god da vsi skup misliju si da nihči ti nič nemre – te tak nie. Vsaki kaj človek med nami je – srčeke triebal meti bi, vsaki kaj človek je husebe živi drugač nek vsaki kaj srčeka mu h glublinice nie.

Oprostiti trieba, tak Jezušek furt vučil nas je, jer same te je bile une kaj na življenju držale nas je, nie same tak ljehke te napraviti, ak nehči ti nekaj naopak i ide delat, ak se naopak i če obrnuti, jer kak vrieme odhaja, tak vse te skup na kupu prejde i nigdar se več na kup niti ne meče. Da te peče peče, nie te prvi put a niti nebu te une najzajdnejše kaj h življenju ti se a i vsemi nami dogodile bu. Življenje ma same jedne vrieme, vrieme tere nigdar nič ne poveda, vrieme tere nas furt nekam natira, vrieme kaj se znami spominati neče, vrieme kaj vsaki štel bi ga meti na svoje strane. A vrieme kak vrieme, furt prejde unam kam mu se če, nigdar se neda pod pere deti, furt bi štele same nekaj po svojem, a unda se pak tuj nič niti nemre. I tak dok šteli vrieme bi hloviti, dok šteli bi da nas posluhne, iste tak nam i življenje prejde, pak da nehči nas pita – e te vse vriedne je, e te vriedne bile je, e se splatile, unda bi nam vsemi skup nehči stranjski triebal rastumačiti dojti nekaj otom kaj te zaistinu i je.

Da je je i da bu bu, te nies jas prvi a niti unie kaj te najzajdnejši povedal Vam bum. Vse une kaj h življenju vriedne je, vse une kaj se vriedne je obrnuti bile, vse te skup se je i morti obrnule. Dok se furt i furt nekaj predre, dok se ne splati - tak da življenje se spretrgne, vse te skup niti nemre ziti na bolše. A gda sam ostaneš, gda nikoga na svietu več ti nie, gda se štel morti bi i z nekem spospominati i par rieči povedati „pajdašem“ – otom kak trieba i kaj vse te skup zaistinu i je, unda ti vse te skup ziti more morti i nekak drugač. Une kaj je jedine, kaj se neda spotrieti, une kaj nigdar nie preveč za povedati, je te da trieba je biti i ostati človek, kaj mnogi denes nikak razmeti nemreju. Nie ljehke, te je iste tak une kaj se trieba furt povedati, nie ljehke nigdar bile - a niti denes nie. Kak god da bile je svieta je i vieka, kak god da nam tu drage vrieme ide i če nam vsemi pobeči, iste tak tu drage vrieme nam je jedine kaj nigdar nič druge nie delale – nek nam same vsemi skup na istinicu je kazale. Istinica ta dobre je poznata, same mnogi med nami videti nečeju ju, a poveda nam furt i furt da nie se smeti zastanoviti i obrnuti, naopak se vrnuti, poveda nam da trieba je ostati une kaj je jedine vriedne – človek. Kak god da za vrieme misliš si da pod svoje si ga zel, kak god da misliš da h življenju vse skup i maš, kak god da nie ti ljehke i da nie ti drugač nič niti moči, vse te skup te vlječe i vse te skup ti poveda da nie same tak ostati na mestu, gda najbolj te speče žerafka. A da je bile drugač morti i moči, da se bile vriedne nekam i otprieti, da se triebale drugač spretrgnuti, da vse skup nie bile tak kak na kraju je i zišle, jer da tak je – a očem bi se mi vsi skup denes i pospominati mogli. E se bi pospominati mogli otom kakve je vrieme, e bi mogli i povedati kak deca nas ne posluhneju, e se bi morti mogli za drugami obračati i povedati kak ne veljaju, a pak nase pogledali nebi.

Te da trieba je početi sam od sebe, da trieba se hveznuti od tam gde se je i krenule, da se je trieba z tešku mukicu negda i spretrgnuti husebe i odhititi vse une skup kaj vriedne bile nie. Te i tak nikak i nigdar drugač biti nemre a niti moči nie, jer življenje pak negdar i posluhnuti trieba, jer sam vsaki med nami na svietu nie. Na svietu je tak same i jedine pravica poznata, i ak pajdaš najdrajši i zabludel je, ak nekaj napravil je kaj drugač morti i mislil je da nie mu moči, nie mu trieba mam zameriti, jer Jezušek nas vučil je da zameriti nesmeme i da oprostiti trieba. Jedine tak unie kaj zabludel je more se na puteca pravoga vrnuti, same tak da ruku mu se kak pajdašu i da, da pak med pajdaši biti more – kak „pajdaš“. A kak pozabiti – te nekaj je čist drugač!