Piše: mr.sc. Rajko Fureš dr. med.

Nie pajdašem, kaj su krive prešli trieba z rukami po pleča trepati, jer tak nigdar nič razmeli neju. Trieba im je furt povedati kak trieba i unda gda skreneju zašpotati ih trieba je. Ne dela se tuj otom da same nekoga špotati je trieba, prie bi bile bolše i točnejše reči da grešnike hputiti k pravomu je putecu trieba. Od trejte vure tu noč spati nies mogel, morti zdaj nie Vam moči za razmeti i te kaj Vam te čem povedati ili iste tak nie Vam moči za rastumačiti zakaj te čem. Une kaj bolše bi bile pitati je te – da se bi štele i mogle odgovoriti nate pitanje – a zakaj baš zdaj, zakaj nie te ščera bile ili zakaj te bile zutra nebi.

Poslušal si, je jemput i ne same jednoga pajdaša, kak su povedali i h prsiče se busali da uni nigdar nič zeli neju i nebi, da navek vse su delali same za ljudi, da od vsega toga svojega dela poštenoga nikakve koristi zase meli niesu. Une kaj se iste tak povedati trieba je i te da nemre biti vse te skup same tak, da nehči poveda kak je najbolši a drugi kak te te i nie, pak nemreš praf znati kaj otom povedal bi. Dobre se iste tak zmisliš kak tie pajdaš ti znal je mnogi put povedati i te kak nebi nigdar zel niti une kaj pod noktekem mu se našle, da nigdar nič nebi napravil kaj nie unak kak triebale te i bi. Ali i tuj kak se veli prilikica svoje dela, tak da nie toga pajdaša niti za kriviti i nie tomu pajdašu za zameriti ak ga je potirale nekaj veseloga na krivu stran, jer pomoči si bogček mogel nie, jer povljekle ga je. A najgorše je unda gda preveč te povljekle je, tak da da i češ vrnuti te kaj zgubile ti se je - vse te skup več vrnuti ti se neda. Zate ti se vse te skup i tuj niti drugač nemre povedati, kak god je da je - gda prejdeš unam gde navek pre daleke je - pitanje je e se igdar vrnul buš.

Nie same tak se moči obrnuti i nie same tak se prek noči zmeniti moči, jer ljete svoje delaju, vsaki med nami kak god da te negdar i priznati štel nebi, vsaki med nami nie navek vse delal unak kak triebale i je. Vsaki med nami je teri put i zabludil, kak god da su nam pajdaši i najmilejši govorili da tak ne delame, mi sme znali krajiti unak kak triebale nie, jer te navek slajše nam bile je. Kak se veli, une kaj se brani i kaj nie unak kak se za preporuku kaže, vse te skup niti drugač ziti nemre - nek tak kaj je, ziti more same tak da se za tem teče, da se za tem vlječe, da se za tem same poklje more naopak iti. Kak god da te čeme ili nečeme, teške se je mnogi put i vrnuti, nie nam moči same tak se otprieti i nie se moči same tak na pravoga puteca vrnuti.

Kak bi mi šteli i triebali i kaj se z vsem tem i spela unda gda se druge niti nič nemre poznati i odvrteti, te je une očem se morti i more spominati. Vse druge, e se mogle je ovak ili e se je mogle unak, te istina je da i otom se spominati da, ali je iste tak istina i te da se poklje o vsemu tomu nič povedati neda. Da nebi skrenule se, da nebi se krive prešle, da se bi praf delale i da se bi mogle človek biti i ostati, da tak se bi po svietu išle, mora se posluhnuti. I tuj vsaki od nas trieba hputiti unoga kaj zabludel je, grešniku trieba pravoga puta kazati, trieba mu vse te skup dobre je povedati - da razmel bu i bi. Iste tak se bi vsaki med nami najrajši, unda gda najžmekšejše mu je, štel najti tam gde nehči mu poveda na vuheke - dej se praf obrni, pusti vse une kaj naopak je i pravomu se putecu vrni, putecu teroga nam je Jezušek pripelal.

Tak dok nehči bu nam sveklinu kazal, sveklinu kaj ciele vrieme vsi skup čakame, dok bume iste tak vsi mi skup na pravu stran se obračali, iste tak se bu i ciela ta doba mogla obrnuti unam kaj se drugač niti nie mogle kazati, a kazale se je same unak kak se triebale nie. Grešnika hputiti navek trieba. Nigdar prejti poljek njega nesmeme tak da glavu mam obrneme, tak da se delame kak da ne vidime nič, jer iste tak se dogoditi more i bu da nehči bu se poljek nas obrnul i glavu okrenul, unda gda te največ bu trieba nam.