Piše: mr. sc. Rajko Fureš dr. med.

Kak se vrieme kaže i kak god da se če potrieti, vse te skup ti same more biti unak kak sam si pririhtaš. I gda češ si odgovora najti na tu pitanje, pitanje – „Kaj vrieme donese?“, nie ti vse te skup furt ni po volje a ni unak kak štel i triebal bi. Da je je, da nie nie, da bu bu, da trieba trieba, pak i pak ne zide tak navek kak nadali sme vsi se skup. A kaj praf za praf bu i kaj za praf morti je i triebale? Kak i gda god otom počneš premetati vse une kaj znaš i kaj neznaš, vse te skup te same dotirati more na unu stran na teru nigdar dojti nebi štel. Da zna se vse une kaj došle bu, da more videti se pred sobu i da se zna drugač postaviti nek se do zdaj postavile je – morti se nekaj bi spremeniti mogle. A e se bu spremenile i e se nekaj bu drugač i obrnuti – te je une kaj nema odgovora navek nam ljehkoga, i te je une za čem se trieba dobre vrteti i spremišljavati.

Negdar človek, dok još h dobe je gda misli su mu vsigde same ne unda gde triebale bi biti, negdar človek tak se nezna niti obračati. Gda još nemaš za sobu veter življenjski, gda niesi sprobal vse kaj puteci zviti donesti ti moreju, gda se štel same si obračati a da prie toga niesi niti videti nič mogel

Kaj bu te i bu i kaj je te i je, te su rieči kaj zmeniti se nedaju, moreš probati obrnuti vse te skup i drugač, moreš se kazati sam sebe, moreš se iti i spominat, a moreš nekaj probati i zmeniti – jer kak god da nekaj kreneš delal – pitanje je e kaj z tem vsem skup dobil i buš.

Nekteri povedaju da vse na svietu zapisane je i da nič se zmeniti neda, tak da niti nam nie trieba nič ni probati, jer vse te skup same na jednu stran vlječi more. A po druge strani vučili sme se i tomu, tak i kak nam je navuk jedini bil, da trieba je posluhnuti rieč najsvetečnejšu i da trieba je vse delati da človek bi se bile i ostale. Po tom je pravica ta kaj poveda da nesme se same stati i čakati da nehči drugi meste nas nekaj oddela, nek se je trieba za istinicu boriti, da trieba je dober človek biti i da trieba je Jezušeka posluhnuti i za njem iti, jer te put je jedini.

Zabadaf vse te povedati, zabadaf se človek sam sebe otpira i špota se, da mogel je ovak ili unak, gda pajdaše nie ti unda gda največ ih trieba ti poljek sebe ih. A do hčera su vsi skup h prse se tukli i h vse se vsikud kleli kak vekšeh pajdašeh na svietu im nie i kak zanje bi navek triebale se ruku jedinu h ogenj deti triebale. A življenjska doba svoje putece ma, negda gda i najmenj se nadaš da nekaj se triebale ti bi dogoditi, največ put vse te skup ti se na drugu stran obrne. A kaj je je i kam pe - pak pe, tak da se nesme človek preveč niti nadati da nehči bu mu pomogel na svietu. A sviet tie drugač nemre se niti zazavati nek same po malu, da nebi nehči krivi pre rane nas čul i odtiral sveklinu kaj vse skup greje nas. Povedaju nam tak da ak se neš sam zboril i ak si sam pomogel neš - da nihči ti drugi pomoči ni mogel nebu. A življenje, kaj ž njem, e se bu spremenile i e se bu nekam drugam zateknule, gdo zna, jer puteci življenjski za vse nas niesu poznati, same je Najvekši tie kaj zna najbolše kam putec vsaki zapeljal bu.

Une kaj nemre nihči drugi nek same vsaki med nami, te je te da vsaki med nami puteca pravoga ili krivoga zebira. Za te teroga puteca zebrali bume nemre nihči med nami nikoga drugoga kriviti, jer kaj god i kak god da napravili h življenju, vse te skup bar nam bu se naplatile. Još je boljše unda ga te navek i po pravice poveda vsaki med nami, gda navrne nam vse te skup tak kak trieba je jer drugač nesmeme se h življenju nigdar ni vladati. Vsi med nami življenje maju, vsaki praf si ili posloži ili naopak obrne une kaj življenje triebale je ili triebale biti bu, jer drugač niti nemre vse te skup biti, nek je tak kak je. Da se nekak drugač triebale je i da se nakaj drugač mogle, nebi denes bili tuj gde sme je. Gda se otom če nehči spremišljavati i rastumačiti si probati – e bil un najbolši i najpametnejši, vsejedne vse te skup prejti nam trieba same po jednom – po pravice.

Da je te bile tak kak je bile, denes morti vsaki med nami razmeti more, ali po pravice ak se čeme spominati, unda same povedati nam je trieba da vrieme donese une kaj sami sme spelali, i da nikoga drugoga zate kriviti nam moči nie!