Piše: mr. sc. Rajko Fureš dr. med.

Trieba ljubav je meti, ne same zase - nek iste tak za sviet cieli. Ljubav je jedina, od ljubavi lepšega h življenju nam nie. Nie dobre ak te razmeti se nemre i ak se življenje potepe a da niesi se ljubavi praf ni žil, jer nigdar i nigde neš nič lepšega, bolšega i slajšega našel i mel. A vse te najvrednejše h življenju, vse une najlepše i najbolše - same ljubav ti je. Od toga nič lepšega ti nie, jer od vsega na svietu, vrednejše od najvrednejšoga same ljubav je, ljubav kaj Jezušek nam je dal, ljubav kaj Jezušek nam je.

Ljubav je jedina, ljubav jakša od vsega na svietu je, za vse nas triebala bi biti i je une kaj na svietu nas zaistinu i drži. Od gda nam Jezušek pokazal je kak rad nas ma, kak rad nas ma kak dečicu najmilejšu si, od gda nam je življenje svoje kak dara najvekšoga dal i tak pokazal da vekše ljubavi nie nek prema vsemi na svietu kaj dečica sme mu, od unda nič več iste nie niti bu. Jezušek nas nahčil je da za ljubav splati se živeti, da ljubav je trieba čuvati, da ju trieba je na srčeku nositi kak une kaj sme od njega na darek dobili. A te nie darek bile kakef, te darek najvrednejši je, jer Jezušek nam sebe na dara je dal, dok povedal nam je da za ljubav nam trieba se boriti dok god sme na svietu.

Vsemi da bolj bi razmeli, ponoviti je trieba, kak i navek trieba je govoriti te da drugač nie nam moči i nie nam smeti, kak povedati tak i delati. A kaj te smeti je, smeti je denes, zutra i furt te da radi triebame meti vse na svietu, da do vsakoga človeka držime, da se z ljudmi čem več spominame i na pomoči im se najdeme. Te da smeti je, morti i nie najbolji povedati, prie bi triebale povedati da te čeme i da te nam najdrajše od vsega je, jer lepšega nam na svietu nie nek unda gda radi mame. Radi smeti nesmeme same unda gda nekaj nam trieba, radi triebame meti furt, navek, ne same sebe, nek vse na svietu. Tak Jezušek nas vučil je i tak biti trieba, nikak drugač nesmeme delati, misliti i šteti, jer ak tie navuk napustime same moreme hgreznuti h meglinu z tere se več nigdar mogli zvlječi neme več.

Meglina nigdar neda ti da se zestaneš z sveklinu, gda se h meglinu spustiš nigdar znati neš mogel gde završil buš i e se igdar ž nje zvlječi ti bu moči. Da nie te same tak i da nie mnogi med nami te razmeti mogel, da nie se splatile nigdar – pak niti zdaj, te je une očem nie trieba mučati. Te je une očem trieba navek govoriti. Govoriti trieba, morti vsi mi sami sebe furt povedame, jer nahčeni sme – počakaj, male po male. A negdar trieba i po pravice iti, jer ljubav čakati nesme, ljubav se h stran nigdar ne revlje. Morti nekteri med nami negdar i pozabiju, te se je i vsemi dogoditi znale, te iste tak trebame vsemi a i sami sebe praf za praf priznati.

Da je moči nekaj druge zebrati, da morti i moreme nekaj druge zaželjeli, kaj te zaželjeti vsaki bi med nami mogel, kaj zebrali bi? Ak čeme otom povedati une kaj triebale bi, unda nesmeme krajiti krive, nesmeme se nigdar dati napelati nekam gde nie nam meste i gde nesmeme biti. Navek se trieba držati skup, navek se trieba držati uneh kaj ih poznaš, kaj dobre ti čeju. Iste i vsaki med šteti dobre mora unami kaj njemu iste čeju. Po druge strani niti se natom stati nesme. Jedina je doba i jedine je praf vsemi človek biti, za vsakoga vrieme meti, za vsakoga vse najbolše šteti. Vrieme je tu une kaj navuka vsemi dati, navuka kak vsemi si trieba dober biti, kak da su ti sestre i brati. Nigdar se tuj nie vriedne zastanoviti i nigdar se tuj nesme za sobu vrat stezati, navek je trieba pred se gledeti. Te pak nesme ziti tak da same se pogleda poljek sebe, nesme nigdar ziti tak da se ne pita vsakoga kaj trieba mu – a kaj mu te trieba, jer same tak i nikak drugač se dobre z dobrem vrnuti more.

Iste tak moraš prie ili kesnejše sam sebe povedati une kaj več zbeči mogel neš, moral buš povedati da nesme ti i nam se nigdar vrnuti unde gde krive se krajile, jer prie ili kesnejše zvlječi nam se mogle nebu.

Dojdeš prie li kesnejše do toga da razmel buš, vse je dobre i vse bu dobre, ak razmel buš. Ak se buš praf otprl i praf prijel ksebe i vse od sebe dal za sviet cieli – unda buš razmel, unda vse bu praf.

Ljubav je jedina, ljubav je une kaj na svietu nas drži, ljubav je čuvati trieba za vse veke, za vse cajte - kaj su pred nami. Tak i nikak drugač, te jedine je praf.