Piše: mr.sc. Rajko Fureš dr. med

Same zase, nase i podse, kak drugač povedati otom?! Gde god da se obrneš, gde god da pogledaš, gde god da štel nekaj bi povedati i praf oddelati – navek se pred zidekem najdeš, češ te ili te nečeš.

Pomoči je moči, te zaistinu tak i je, same je na nami pitanje ostale – e te zaistinu i čeme. Te zaistinu tak i je, jer nam je Jedini navek tekazal i kak dečice svoje najbolše nam navek furt je pomagal.

Ne same da pomoči je moči nek iste tak une kaj povedati triebame, kaj triebame nositi kak navrednejše husebe, je te da pomoči ne same je moči nek da pomoči je navek i trieba. Pripraviti se vsaki med nami more na tie posljek, posljek za teroga mnogi ne držiju da nekaj vriednejšoga biti more.

Male po male, kak god da se nebi šteli obrnuti i kak god da nam se nejde na nektere brehčeke i pustačice zapuščene, iste tak nam vse te skup nesme biti une kaj vriedile nič preveč nie. Te vse skup stoji ak človeka poljek sebe ti nie, ak ne poštivaš ga i ak se za človeka ne živi h srčeku ti najgliblejšomu.

Nie nam se same jemput dogodile te da niesme se mogli spamtiti nič niti otom kak je kaj i kam kaj je. Kaj štel bi povedati, a da h iste vrieme najbolj vsemi bi rastumačil nekaj po tom pitanju? Za tak nekaj morame se male obrnuti i do toga se čvrstejše držati, jer unda mogli bume mogli i razmeti kak nam se te, ne same jemput dogodine, da niesme same jemput prešli poljek nekoga gdo nas pomoč je iskal, pak se niti ogledali niesme na unoga terobu pomoč triebala je. Tuj najbolše nam bi mogle pomoči i te gda se zmislime nekaj otom kak sme i sami pune put pomoč iskali, pak nam se mnogi put dogodile da nikoga nam nie niti blizu bile.

Nejde vse te tak skup ljehke, tak da niti je nevek moči drugač a niti je navek vse unak kak nie a zgledi tak kak je. Nemreme pak povedati i te da nihči nam nie nigdar h življenju pomoči štel a niti pomogeg je, jer da zaistinu te tak je – nebi niti življenja meli, kakve je da je. Kak je god vsakomu med nami najdrajše unda gda nehči pomore nam, još nam je bolše unda gda pomore nam nehči od teroga toga se nadali niseme.

Zaistinu nas niti se da a iste tak nas se niti more pogladiti i popraviti, a da se nemreme huti cajt bar male pogledati poljek sebe, jer najgorše je gda same sam posebe glediš i laziš vsikud. H iste vrieme unam gde triebal bi ti niti ne pogledaš i niti ne ne zmisliš uneh kaj največ im te trieba je. Da se nekaj da male več i otprieti, te morti bi več triebali poslušati kak bi nam se nekaj i z mesta male bolj genuti morle. Unda se bi lježejše dogodile i te da nam se vsemi male več zločice spuhne i na sveklinicu zvlječe, tak da nam se srčeke more otprieti za vse une kaj vriedne je bile i bu. A da zvlječi od naopačnoga se trieba i da čem bi več za najčistejše srčeke triebale dati i za njega se boriti – te je iste tak une kaj največ stoji. Vse te skup nas navek gledi, kak god da otom povedame jedne ili druge, pak je te i une kaj se najbolše skrbi i kaj se jedine tak poštene praf i živi.

Zate na pitanje tu, pomoči ili ne pomoči odgovora drugačkoga niti nemre biti, odgovor nam same je moči jeden povedati, povedati da navek pomoči trieba, da tuj nesme se nigdar gledeti e te nehči je tvoj ili te nehči stranjski je. Unda vse ti te skup nekak drugač zgledi, a pak h iste vrieme nam vse te skup na iste zide. Drugač se nemre vse te skup nit same tak spelati, jer nemre nam se same tak povedati i nemre nam se same tak srčeke doteknuti. I te tak i je, kak god da te šteli nekterami luckami bi povedati, kak da te nekaj je kaj drugač niti biti nemre.

Jedine je vriedne te da navuka se pravoga držime, da pomoreme vsemi kaj im te je i trieba, da glavu ne obračame h stran unda gda zgledame une kaj potrebni su. Pomoči je moči i trieba. Drugač niti moreme a niti sme igdar te šteli, jer se nemre nikak drugač a niti se more. Vsaki od sebe početi trieba, pred tem se nihči skrivati nesme i nemre, jer čem bolj bežime od unoga kaj po pravice je – navek na opak zišle vse te skup nam bu.

A pravica je navek jedina, pravica morti negdar i ne zgledi nase, ali prie ili kesnejše vsaki po nje se bu obračal. Da po pravice vsaki bi odmeren bil, držati nam trieba je do vsakoga človeka, vsakomu človeku pomoči je moči a iste tak je i pomoči trieba. Tak triebame vsi se vladati jer same tak se nadati nam mogle bu da iste tak i nehči pomore nam.